Неверојатно: Загребска банка направи добивка од 346 милиони евра за девет месеци

Оперативната добивка на Загребска банка по три квартали од годинава изнесува 395 милиони евра, со пораст од 159 милиони евра или 67,4 отсто во однос на првите девет месеци од 2022.

Истовремено, оперативните приходи на банката се зголемени за 162 милиони евра или 39,9 отсто, на 568 милиони евра. Оперативните трошоци достигнуваат 173 милиони евра и се повисоки за девет милиони евра или 5,5 отсто на годишно ниво, со однос на трошоците и приходите од 30,5 отсто.

„Приходите од бизнисот се зголемени, управувањето со трошоците е дисциплинирано. Капиталната и ликвидносната позиција се силни, средствата се доволно покриени со резервации за кредити“, посочува „Заба“ во неревидираниот, неконсолидиран финансиски извештај.

Нето приходите од камати на банката изнесуваат 418 милиони евра, што е зголемување на годишно ниво од 196 милиони евра или 88,3 отсто, додека нето приходите од провизии изнесуваат 124 милиони евра, што е намалување за три милиони евра или 2,4 проценти.