Не издржа бедемот на Атлетико, Интер со минимална предност ќе патува во Мадрид (ВИДЕО)
На домашен терен, „нераѕурите“ славеа со 1-0 во очекувано тврд натпревар, без многу шанси и без особена динамика. Атлетико, како и обично, се насочи на одбрана на својот гол и малку недостасуваше да успее да го сочува пред реваншот на домашен терен.
Бедемот пред голот на Облак го сруши австрискиот репрезентативец Марко Арнаутовиќ кој влезе во второто полувреме на местото на повредениот Турам, а прптивничката мрежа ја затресе во 79. минута. Во финишот, Интер имаше уште една шанса, за уште поубедлива победа, но не ја искористи.
Во помалку атрактивниот меч од денешната програма во Лигата на шампионите, ПСВ и Борусија Дортмунд одиграа нерешено (1-1). Мален го доведе во водство германскиот тим во првото полувреме, а израмни Лук де Јонг во 56. минута од пенал.
