Навални доби уште 19 години затвор
РУСКИОТ опозициски политичар Алексеј Навални, кој е во затвор, во петокот беше осуден на дополнителни 19 години затвор, откако беше прогласен за виновен за серија нови обвиненија, објавија приврзаниците на Навални на социјалните мрежи.
На видеото од судското рочиште одржано во казнената колонија источно од Москва, Навални може да се види во црн затворски костум додека со скрстени раце ја слуша изрекувањето на пресудите.
Најжестокиот противник и критичар на рускиот претседател Владимир Путин веќе одлежа 11 и пол години во казнена колонија.
Тој е обвинет за бројни точки, за кои самиот Навални вели дека се измислени за да го замолчат.
Тој пред денешната пресуда рече дека мислел дека може да добие „сталинистичка“ казна од уште 18 години затвор.
Низа нови обвинувања го поврзуваат овој 47-годишен политичар со наводни екстремистички активности.
