НАСИЛНИ ПРОТЕСТИ И ЖРТВИ: Во Бангладеш 150 текстилни фабрики прекинаа со работа
Се затворија многу текстилни фабрики во Бангладеш, а работниците бараат повисоки плати. Демонстрантите вандализираа најмалку 70 фабрики.
Вчера 150 текстилни фабрики престанаа со работа во главните индустриски градови Ашулија и Газипур, северно од главниот град Дака.
Повеќе од 150 текстилни фабрики ја прекинаа работата на неодреден временски период. Тоа доаѓа во време кога индустријата е потресена од барања за зголемување на платите што доведе до протести, судири и погроми кај некои бизниси.
Од минатиот месец, има протести за повисоки плати. Најмалку тројца работници загинаа во насилството што избувна во протестите. Денеска почина и работник тешко повреден во насилството, а со тоа бројот на жртви се искачи на четири лица.
Комитетот на текстилниот сектор кој ги формулираше предлозите за минимална плата во индустријата предложи на почетокот на неделата зголемување од 56,25 отсто на основната месечна плата за четири милиони текстилни работници, со што платата ќе изнесуваше 12.500 бангладешки така (104 евра). Синдикатите веднаш го отфрлија овој предлог.
Во четвртокот, околу 15.000 работници се судрија со полицијата на автопат и ограбија неколку текстилни фабрики. Полицијата поднесе жалба против 11.000 луѓе, кои јавно не ги идентификуваа.
3.500 текстилните фабрики во Бангладеш сочинуваат околу 85 отсто од годишниот извоз на земјата од 55 милијарди долари и снабдуваат производи за многу познати светски брендови како Зара или H&M. Но, условите за работа за најголем дел од четирите милиони вработени во индустријата, од кои повеќето се жени, се очајни. Македонија има потреба од текстилни работници.