НАШЕТО БЕЛО ЗЛАТО! Вучиќ за литиумот: „Што се однесува до мене, можеме да копаме утре, но со најголема заштита на животната средина“

Литиумот е нашето богатство, истото го кажав и претходно, што се однесува до мене, може да се ископува уште утре наутро, изјави српскиот претседател Александар Вучиќ за време на обраќањето пред новинарите на трибина во Скопје.

– Никој не поставува никакви рокови. Не се грижам за нападите, секогаш го зборував истото за литиумот, го кажувам и денес истото. Тоа е наше богатство, бело злато. Претходната власт не можеше да го издржи притисокот – рече Вучиќ на новинарско прашање дека странците поставиле рок од една година за ископување рудници за литиум.

– Која година? Кога би ме послушале, губат една година, што се однесува до мене, ќе почнеме утре сабајле, но со највисока заштита на животната средина. Германците би можеле да ни дадат примери како тоа да го направиме – рече Вучиќ.

Претседателот посочи дека е неопходно да се обезбедат високи плати и развој за целиот регион.

– А дали ќе биде или не, за жал – не зависи од мене.

Вучиќ во Скопје исто така зборуваше и за слободниот пазар на труд што ќе се воспостави меѓу Србија, Македонија и Албанија и потенцираше дека тоа е важна вест за нив, бидејќи ќе придонесе за подобро деловно опкружување и надминување на проблемите со работната сила.

Фото: Принтскрин