Над 950 загинаа обидувајќи се да стигнат до Шпанија по море оваа година
Најмалку 951 мигрант го загубиле животот во првата половина на 2023 година додека се обидувале да стигнат до Шпанија по море, објави Асошиетед прес, повикувајќи се на шпанска група за заштита на мигрантите.
Организацијата Каминандо Фронтерас (Граници што се движат) соопшти дека меѓу загинатите има 112 жени и 49 деца, при што групата ги собира своите податоци од семејствата на мигрантите, како и статистика за спасените.
Таа во извештајот објавен денеска рече дека официјалните бројки покажуваат дека во споредба со првата половина на 2022 година, сега пристигнале помалку чамци, но загинале уште 13 луѓе.
Министерството за внатрешни работи соопшти дека 12.192 лица пристигнале во првите шест месеци од годината, 4% помалку отколку во истиот период во 2022 година.
Каминандо Фронтерас ги обвинува земјите како Шпанија и Мароко за нивната недоволна соработка и неуспехот да спроведат спасувачки операции. Таа наведе примери на неодамнешни случаи кога алармираните спасувачки бродови пристигнале со часови задоцнување и не успеале да спасат голем број загрозени мигранти.
Организацијата соопшти дека минатата година 2.390 мигранти ги загубиле животите или исчезнале обидувајќи се да стигнат до бреговите на Шпанија.
