Националниот парк „Шар Планина“ со апел: Се бараат донации на јаболки и пченка за мечките
Националниот парк „Шар Планина“ денеска упати јавно барање за поддршка и доброволни донации од граѓаните, со цел да се обезбеди храна за мечките чие природно живеалиште се соочува со намалени извори на исхрана.
Како што информира Управата на Паркот, последните недели се зголемени случаите на приближување на мечки до населени места, што претставува ризик и за луѓето и за самите животни.
„За да го намалиме овој ризик, започнуваме иницијатива за симболична прихрана на мечките, на безбедни и оддалечени локации, далеку од населените места и планинарски патеки“, стои во соопштението.
Се бараат доброволни донации на јаболки и пченка од домашно производство, без хемиски третмани, за да се овозможи природна и соодветна исхрана на мечките, кои главно се хранат со растителна храна.
Оваа акција има за цел:
Донациите може да се остават во просториите на ЈУ НП Шар Планина, кај почетната станица на гондолата во Тетово, секој работен ден од 8 до 16 часот, или да се контактира Управата на бројот 072 239 122.
Важно е да се донира само непрскана храна од домашно потекло.
„Заедно можеме да создадеме подобра рамнотежа меѓу човекот и дивината“, порачуваат од Националниот парк.
