Најжешко во Гевгелија измерени 42 степени, во Скопје 40 – нестабилност не очекува во недела

Македонија денеска се соочи со екстремно високи температури. Најжешко беше во Гевгелија, каде што термометарите се искачија до 42°C, додека 41 степен беше измерен во Велес. Во Скопје, Демир Капија и Струмица температурите достигнаа до 40°C. Најсвежо, според мерењата на УХМР, беше на Попова Шапка – 24°C.

Според најавите од Управата за хидрометеоролошки работи, и утрешниот ден ќе биде сончев и исклучително топол. Ќе дува слаб до умерен ветер од променлив правец. Утринските температури ќе се движат од 13 до 22°C, а дневните ќе се искачуваат до 42°C.

Во Скопје се очекува сончево време со слаб до умерен северозападен ветер. Минималната температура ќе биде околу 21°C, а максималната ќе достигне 41°C.

Пеколното време ќе продолжи и во петок и сабота, кога на одделни места температурите може да се искачат до дури 43°C. Убавото време ќе го прекине нестабилност во недела, со локални поројни дождови и грмежи, а температурите ќе почнат да опаѓаат.

Апел до граѓаните: внимавајте на изложеност на сонце, внесувајте доволно течности и избегнувајте физички активности во најтоплиот дел од денот.