На светските берзи поевтинуваат житото и маслото

Паѓаат цените на житото и маслото, но поскапува шеќерот во светски рамки.

Продолжува намалувањето на цените на главните житни производи на светските берзи, јавува Софиската берза, цитирана од БТА. Во САД, ФОБ цената на лебната пченица падна за уште 4 долари на 259 долари за тон, а таа во Франција се повлече за 4 евра на 239 евра/тон. Украина ја продава пченицата по стара цена од 260 долари за тон, а истото важи и за Русија – 265 долари за тон. Пченката во САД поевтини за 9 долари на 269 долари по тон, во Франција падна за 1,25 евра на 227 евра/тон, а во Русија – за 4 до 253 долари по тон.  Цената на нерафинираното сончогледово масло на берзата во Ротердам поевтини трета недела по ред – сега за 10 долари на 980 долари за тон. Рафинираниот шеќер за испорака во август беше единствениот исклучок оваа недела, поскапувајќи од 7,50 долари на 705,30 долари за тон на лондонската берза. Откако почна војната во Украина, но и пред тоа поради пандемијата и климатските промени имаше турбуленции на цената на храната.