Најстудено денеска на Попова Шапка, измерени -1 степен
Според податоците од УХМР, денес максималната температура се движеше од -1 до 12 степени Целзиусови. Најниска температура од -1 степен е измерена на Попова Шапка, додека највисоката од 12 степени е регистрирана на Скопје-Зајчев Рид.
Во остатокот од земјата температурите изнесуваа: 0 степени во Радовиш – Пожар, 3 во Ѓуриште, 4 во Берово, Крушево и Крива Паланка, 5 во Лазарополе, 6 во Маврови Анови и Виница, 7 во Кавадарци и Штип, 8 во Струмица, Прилеп и Демир Капија, 9 во Претор, Пожаране и Тополчани, 10 степени во Скопје-Петровец, Охрид, Тетово и Битола, како и 11 во Велес и Гевгелија.
Во изминатите девет часа наврнат воден талог е измерен во повеќе градови: 6 литри на метар квадратен во Штип, 4 во Кавадарци и Виница, 3 во Струмица, 2 во Прилеп и Радовиш – Пожар и по 1 литар во Крива Паланка, Крушево, Битола, Тополчани, Попова Шапка и Велес.
На Попова Шапка во 16 часот е измерена снежна покривка од 30 сантиметри.
Времето денес
Времето беше претежно облачно, а во источните делови имаше повремени локални врнежи од дожд во пониските места, дожд и снег на повисоките, а на планините слаб снег.
До крајот на денот
Попладне во западните делови облачноста ќе се намали. Ќе дува слаб до умерен, а долж Повардарието повремено засилен ветер од северозападен правец.
Времето утре
Претпладне ќе биде претежно облачно, а кон крајот на денот и во текот на ноќта облачноста повторно ќе се зголеми. Најпрвин во западните делови, а потоа насекаде ќе има врнежи од дожд, а на повисоките планини слаб снег. Ќе дува слаб до умерен јужен ветер.
Минималната температура ќе биде од -2 до 2 степени, а максималната ќе достигне од 8 до 12 степени.
Во Скопје облачно, попладне со повремен дожд. Ќе дува слаб до умерен јужен ветер. Минималната температура до 0, а максималната до 8 степени.
Прогноза за наредните денови
Утре кон крајот на денот и во четврток повторно се очекуваат локални врнежи од дожд, а на планините слаб снег. Во петок и недела ќе преовладува претежно облачно време со услови за слаби локални врнежи од дожд и снег. Во сабота и понеделник времето ќе биде променливо облачно.
