Му даде поддршка па откако изгуби Ковачевски го избриша видеото за Ѓукановиќ – зошто?
Премиерот Димитар Ковачевски му даде поддршка на претседателот Мило Ѓукановиќ на претседателските избори преку видео порака, но откако изгуби се избриша и видеото.
Ова следуваше само 20 минути откако стана јасно дека по 32 години Мило Ѓукановиќ оди во политичка пензија.
Од СДСМ објаснуваат дека видеото со поддршка било објавено кај Ѓукановиќ на Фејсбук и на Јутјуб каналот од неговата конвенција, и доколку е тргнато, веројатно тие самите си го тргнале.
Инаку, Јаков Милатовиќ победи на вчерашните претседателски избори во Црна Гора, освојувајќи околу 60 отсто од гласовите, додека неговиот противкандидат и актуелен претседател Мило Ѓукановиќ освои околу 40 отсто.
Излезноста на изборите беше 70 отсто од вкупно запишаните околу 550.000 гласачи.
