МУ БИЛА ПРЕПИШАНА ТЕРАПИЈА: Убиецот од Цетиње бил асоцијален

Убиецот од Цетиње бил асоцијален, му била препишана терапија, a имал специфично однесување со блиските луѓе. 

Вршителот на должноста директор на Полициската управа (УП) Лазар Шќепановиќ изјави дека Ацо Мартиновиќ, кој уби 12 луѓе во Цетиње, го извршил масакрот за 30 минути на пет локации. Toj е евидентиран како сторител на кривични дела, а пред две години му била препишана терапија.

„Нелегално поседувал огнено оружје, поради што во 2022 година биле претресени просториите што ги користи. Потоа беше осуден на три месеци затвор, но пресудата не стана правосилна, а жалбената постапка се водела во Вишиот суд во Подгорица. Полицајците го препознале асоцијалното однесување на Мартиновиќ, поведено е болничко лекување, на лицето му е препишана соодветна терапија, но не бил упатен во специјализирана установа“, изјави Шќепановиќ.

Шќепановиќ додаде дека при претресот на Мартиновиќ во ноември 2022 година, службениците на УП препознале асоцијално однесување и го предале во Министерството за здравство, но дека тој не бил хоспитализиран.

Поранешниот претседател на Црна Гора, Мило Ѓукановиќ изјави дека злосторството што се случи во Цетиње е настан кој на застрашувачки начин, уште еднаш потврдува дека црногорското општество е во услови на длабока криза и безбедноста на секој граѓанин, секое дете е загрозено.

Ѓукановиќ во објава на својот профил на социјалната мрежа Икс наведува дека „додека челниците на МВР и на полициската управа одржувале несмасни прес-конференции, убиецот практично им бил зад грб и ја продолжувал својата крвава кампања“.

Меѓу жртвите има и деца. Жителите на Цетиње палеа свеќи за настраданите.