МОСКОВСКА БЕРЗА: За колку рубљи се тргува доларот?
Се опоравува руската валута која претходно изгуби од вредноста. Руската рубља e најсилна во однос на доларот и еврото од крајот на јуни.
Руските извозници се подготвуваат за периодот на плаќање данок и им се закануваат високи казни ако одбијат да ја продадат заработката во странска валута, објави Комерсант.
Податоците на Московската берза, покажуваат дека американскиот долар денеска во 14 часот се тргуваше за 88,03 рубљи, а еврото за 96,42 рубљи.
Аналитичарите велат дека до крајот на месецот курсот на доларот може да се намали меѓу 83 и 85 рубли за долар.
На 27 октомври Банката на Русија ја зголеми референтната каматна стапка за 200 базични поени на 15 отсто и во таа прилика констатира дека инфлациските притисоци во Русија се искачиле над очекувањата.
Централната банка на Русија најави дека со оваа мерка сака да ја потисне инфлацијата до четири проценти во 2024 година.
Откако почна војната во Украина, рубљата повеќепати имаше падови.
Во август годинава руската валута беше рангирана во трите најслаби на светот.
foto freepik.com
