Мојсока Блажевски: Од основање Македонија 2025 има имплементирано програми за економски развој од 3,6 милиони долари
Извршната директорка на Македонија 2025, Никица Моjсоска
Блажевски, во своето обраќање на отворањето на Самитот, потсети за улогата и
мисијата на организацијата.
„Наша главна заложба уште од основањето на Македонија 2025 е
поддршка на напредокот на земјата, преку вклучување на македонската дијаспора
во актуелните случувања во земјата во насока на градење на силна и
просперитетна нација. Сите ние имаме одговорност пред нашите семејства и идните
генерации да обезбедиме подобра и попросперитетна иднина, повисок животен
стандард и квалитет на живот. Во таа насока ние се стремиме преку нашите
активности да ги обединиме сите засегнати страни, да ги усогласиме клучните приоритети
и да работиме кон постигнување на целите. Искрено верувам дека Македонија 2025
преку своите активности и програми, вклучително и Самитот ќе придонесе кон
развој на земјата“.
Од своето основање досега Македонија 2025 има имплементирано
програми за економски развој со вкупна вредност од 3,6 милиони долари. Во
секторите образование и лидерство досега се донирани 1,7 милиони долари, а во
овие програми вклучени беа над 670 менаџери, претприемачи и млади таленти.
„Имаме посебни програми за
намалување на разидувањето на образованието меѓу младите жени и мажи, а можеме
да е пофалиме дека Бордот на директори на Македонија 2025 порасна од 15 на 21
член, што е знак за раст на организацијата. Планирани се разни новини за оваа
година, кои ги започнавме со награди за придонес на приватниците од
дијаспората. Овие награди, под покровителство на Претседателот на Македонија,
Стево Пендаровски веќе се доделени“ истакна Мојсоска Блажевски.
Директорката на Македонија
2025 се осврна и на напредокот на нашата земја, и истакна дека согласно
анализите кои ги прават Македонија и понатаму заостанува зад земјите во
регионот и пошироко.
Ние сме на дното на мерењата, и сме далеку од посакуваниот раст на
економија, но тоа не е причина за откажување и продолжуваме со поддршката на
земјата. Се надеваме дека Македонија 2025 ќе придонесе со своите заложби во
развојот на земјата, всушност тоа е и целта и на Самитот и на сите активности
кои ги преземаме – истакна Мојсоска Блажевски.
Фото: Вангел Тануровски
