ММФ СО ПРОЕКЦИЈА ЗА ИНФЛАЦИЈАТА ВО 2026 ГОДИНА: Најниска во Швајцарија, највисока во Турција, е еве каде е Македонија

Според проценката
на Меѓународниот монетарен фонд (ММФ) за 2026 година, инфлацијата во европските
земји значително ќе варира. Најниска стапка на инфлација се предвидува во
Швајцарија, од само 0,5 отсто, додека Турција ќе ја забележи највисоката стапка
од дури 22,8 отсто.

Меѓу земјите од
Европската Унија, најниска инфлација ќе има во Франција (1,6отсто) и Ирска (1,7
отсто), додека највисока инфлација се очекува во Полска (3,4  отсто) и Унгарија (3,6 отсто). Германија ќе
има инфлација од 1,9 отсто, а Хрватска 2,6 отсто. Инфлацијата во Русија и
Украина останува висока – 5,5 отсто и 7,7 отсто. Додека Швајцарија и Франција
ја држат инфлацијата под контрола, Хрватска го надминува европскиот просек со
2,6 отсто, а Турција, со рекордни 22,8 отсто, станува рекордер по инфлација на
континентот.

Меѓународниот
монетарен фонд (ММФ) во својот последен извештај предвидува дека економијата на
Македонија ќе порасне за 3,2 проценти и во 2025 и во 2026 година. Стапката на
инфлација е проектирана на 3,4 проценти и на 2,2 проценти во 2026 година.