Млада жена починала откако испила премногу вода за прекратко време

35-годишна жена починала откако испила премногу вода за кратко време, пренесоа американските медиуми, цитирани од британските изданија „Телеграф“ и „Индипендент“. Приказната е објавена и на специјализираната здравствена страница health.com.

На почетокот на јули, Ешли Самерс зеде слободно време за да го прослави Националниот ден на Соединетите Држави со своето семејство. Таа го помина викендот пред 4 јули со сопругот и нивните две ќерки на езерото Фримен во Индијана.

За време на престојот, жената наеднаш се почувствувала многу дехидрирано, се пожалила на страшна жед и рекла дека едноставно не пие доволно вода, пренесуваат локалните медиуми.

Нејзиниот сопруг подоцна изјавил дека Ешли испил четири шишиња вода за 20 минути – секое по 500 милилитри. Така таа испила околу два литра вода речиси одеднаш, што е блиску до препорачаниот дневен внес на течности.

Вечерта, Самерс се чувствувала како да има нетолеранција на вода, рекла дека чувствува вртоглавица и дека има силна главоболка.

Кога семејството се вратило од езерото, жената паднала во својата гаража и веднаш била пренесена во најблиската болница. Таму откриле дека има едем на мозокот, за кој не знаеле што да прават.

Жената никогаш не се освестила и починала утрото на 3 јули. Како причина за смртта лекарите му укажале на семејството на Ешли – труење со вода.

„Тоа беше шок за сите нас. Кога почнаа да зборуваат за интоксикација со вода, стана уште полошо, не ни знаевме дека постои такво нешто“, вели братот на Ешли.

Премногу вода и недоволна сол во телото

Според токсикологот д-р Блејк Фроберг, оваа ретка причина за смрт е поверојатно да се појави во лето кога работите или спортувате на отворено.

„Ризикот се зголемува кога внесувате премногу вода, а количината на натриум во вашето тело е премала. Симптомите на интоксикација со вода вклучуваат општа малаксаност, грчеви во мускулите, болки, гадење и главоболка. Ниското ниво на натриум може да доведе до сериозна дисфункција на мозокот, а понекогаш дури и до смрт“, коментира тој.