Министерство за одбрана: Истражувањето на Global Firepower фаворизиран големи земји, наспроти помалите
Македонија е рангирана на 108-то место според истражувањето на Global Firepower, но дали одредени земји се фаворизирани или пак има нецелосни податоци. На пример, при наше истражување, утврдивме дека методологијата зема предвив голем број на фактори дадени во апсолутни бројки, односно истиот ги фаворизира големите земји, наспроти помалите, кои во апсолутна бројка имаат помала популација, помал буџет и слично.
Коментар на истражувањето побаравме и од Министерството за одбрана, од каде велат дека станува збор за Индекс чија методологија предвид зема голем број на фактори дадени во апсолутни бројки, односно истиот ги фаворизира големите земји, наспроти помалите, кои во апсолутна бројка имаат помала популација, помал буџет и слично.
„Имено, на пример, предвид е земен буџетот за одбраната како сума на средства, а не како процент од буџетот на земјата, што би бил најсоодветен податок за тоа колку земјата вложува во одбраната и е посветена на развојот на одбранбените способности“, велат од Министерство за одбрана.
Од таму додаваат дека компарацијата на воената опрема, исто така е дадена во апсолутни бројки, што, исто така ги фаворизира големите земји. Пример за тоа е и фактот дека Северна Македонија е земја која не излегува на море и нема сопствена морнарица, ниту морски пристаништа, а рангирањето предвид ги зема и овие податоци.
„Истото треба да се има и предвид за податоците како што е големината на морско крајбрежје, кое за Северна Македонија изнесува нула километри. За споредба, согласно методологијата на овој Индекс, Луксембург, земја – основач на НАТО – Алијансата, заради начинот на рангирање се наоѓа на 126-то место, Исланд, исто така основач на Алијансата е на 137-то место, а Црна Гора на 128-то место“, додаваат од Одбрана.
Инаку, фактот дека Македонија напредува во рангирањето и покрај методолошкиот пристап кој не фаворизира мали земји е развојот на одбраната и Армијата и зголемувањето на буџетот за одбраната.
„Северна Македонија од 1,85% од бруто-домашниот производ одвоени за одбрана во 2023 година, во 2024 година ќе одвои 2% од својот бруто-домашен производ, кој претставува и зголемување во апсолутната бројка на средства наменети за одбраната. Со 33 проценти наменети за модернизација и опремување и во 2024 година, македонската Армија ќе продолжи забрзано да се опремува и модернизира со најсофистицираните оклопни возила, нови системи за против-воздушна одбрана, нови артилериски системи, ремонтирани хеликоптери и системско решение за одржување на постојната хеликоптерска платформа до набавката на нови хеликоптери, како и повисок стандард за работа и за живот на припадниците на Армијата на Република Северна Македонија“, велат од Одбрана за 4NEWS.mk
Инаку македонската Армија ја постигна најбрзата воена интеграција во НАТО, односно само 19 месеци по полноправното членство на Северна Македонија во Алијансата.
