МИНИМАЛЕЦОТ ЌЕ СЕ ЗГОЛЕМИ ВО 2025 ГОДИНА: Дурмиши кажа колкав би бил износот
Македонскиот мининалец ќе се зголеми во 2025 година. Министерот за економија Бесир Дурмиши најави дека по редовното усогласување на минималната плата, таа најверојатно ќе изнесува 24.400 денари.
Проценката на Министерството за економија е дека минималната плата од март 2025 година ќе биде 24.400 денари, односно 400 евра.
Висината на минималната плата во бруто износ секоја година се усогласува со 50 отсто од порастот на просечната исплатена нето плата за претходната година и 50 отсто од порастот на индексот на трошоците за живот, според податоците од Државниот завод за статистика(ДЗС). Според таа проценка, во март 2025 година, минималната плата би изнесувала околу 24.400 денари. Од синдикатот велат 24.400 денари не се доволни за достоинствен живот. Минималната синдикална кошничка одамна надмина 1.000 евра. Толку пари се потребни на четиричлено семејство за да го поминат месецот. Синдикатот бараше минималецот да изнесува 450 евра.
Во Босна и Херцеговина(БиХ), од 1 јануари, минималецот ќе изнесува 511 евра.
