Милевски е веќе минато: Црногорски „Гроф“ ќе ја води Македонија кон ЕП 2024?!

Станува збор за искусен тренер, кој е поранешен предводник на Црвена Звезда со која има една шампионска титула во Србија, а кој работеше и во Русија и тоа двапати по една сезона во Арсенал Тула и две сезони на клупата на Крилја Советов. Серијата лоши резултати на националниот тим наводно му пресудиле на популарниот „Сер Боби“, а челниците на ФФМ се решиле среќата да ја пробаат со црногорскиот стратег, кој е најпознат со прекарот „Гроф“.

Србите пишуваат дека Божовиќ нема да има лесна задача како македонски селектор, со оглед што нашиот национален тим е во група со два големи фаворити Англија и Италија и со одличната Украина на патото кон ЕП 2024. Македонија по првите три квалификациски меча има само три бода, по стартниот триумф против Малта (2-1), болниот пораз од Украина (2-3) на домашен терен по водството од 2-0 на полувремето и катастрофата против Англичаните (0-7).