Милановиќ: Aко се разгори психозата, ќе има социјално раслојување во училиштата
По вчерашниот масакр во училиште во Белград, хрватскиот претседател Зоран Милановиќ вели дека ако се разгори психозата, ќе има социјално раслојување што со децении го немало во Хрватска.
„Оние кои можат да си го дозволат тоа ќе градат училишта за своите деца или ќе ги праќаат во училишта кои ќе имаат два метри бодликава жица и ровови, за заштита од вакви катастрофи“, рече Милановиќ.
Вели дека квалитетот во државните училишта ќе биде на ниво на оние во САД, каде што живеете – така ви е училиштето.
Хрватскиот претседател рече и дека му изразил сочувство на претседателот на Србија, Александар Вучиќ.
„Момчето очигледно имало план. Некој се спријателил со него со оружје, го научил како да ги решава работите. Се чини дека имал висока стапка на успех во елиминирањето на човечките животи. Тоа го учиш, тој не го научил тоа од телевизија” – нагласи тој.
Србија е во тридневна жалост откако вчера ученик уби девет луѓе во училиште и повреди неколку. Тој е на невропсихијатрија, а татко му е во притвор.
Србија презема мерки за да нема вакви трагедии во иднина.
