Мицкоски: Новата цена на струјата од ЕСМ ќе биде позната за кратко
Премиерот Христијан Мицкоски најави дека наскоро ќе биде познато по која цена АД ЕСМ ќе ја понуди електричната енергија на претстојниот тендер за снабдување на домаќинствата.
Иако не прецизираше дали ќе остане досегашната цена од 62 евра за мегават-час, Мицкоски потврди дека новиот ценовник веќе е пристигнат во Владата и ќе биде вклучен во предлогот што тој ќе го презентира на затворена владина седница.
Премиерот посочи и една важна промена во начинот на набавка:
„Оваа година, бидејќи тендерот ќе биде годишен, а не полугодишен како претходно, цената која ЕСМ ќе ја понуди – и која ќе биде мој предлог пред Владата – ќе биде позната за многу кратко.“
Досега, електричната енергија за потребите на домаќинствата се продавала по цена од 62 евра за мегават-час.
