Меџити вели дека имаат поддршка и во Европскиот фронт: Да поднесеш иницијатива за интерпелации и на крај да гласаат само тројца пратеници…
Изет Меџити, вицепремиер и министер за животна средина, се осврна на интерпелацијата за Илире Даути, претседателката на Комисијата за труд и социјална политика, истакнувајќи дека имаат забелешки за нејзината работа, но дека се против иницијативата од Левица. Меџити потврди дека Даути ќе остане на функцијата претседател, иако не ја поддржуваат иницијативата на Левица.
Во врска со неодамнешните неуспешни интерпелации на министри, Меџити кажа дека се најлошите или најнеизгласаните во историјата на Собранието.
„Да поднесеш иницијатива за интерпелации и на крај да гласаат само тројца пратеници, тоа покажува дека имаме поддршка и внатре во Европскиот фронт па дури и внатре во ДУИ и многу луѓе таму мислат како нас и имаат отворена врата да се приклучат кон Влен“, изјави Меџити.
Во петокот не беа изгласани четирите интерпелации за владините функционери, освен за Даути, која беше поддржана од 61 пратеник. За ова, пратениците ќе треба да изберат нов претседател на Комисијата за труд и социјална политика, а Левица ја поднесе интерпелацијата поради нејзиното одлагање на Законот за бранители.
