Меџити со повик до Таравари да избере страна, бидејќи тој смета дека не може да биде дел од ВЛЕН и да преговара со ДУИ
На денешната прес-конференција вицепремиерот Изет Меџити во изјава за медиуми ја нагласи важноста на јасната дефиниција на комуникацијата и политичките преговори во Собранието. Според него, комуникацијата може да се одвива со сите политички партии, вклучувајќи ги Муса Џафери, Фатмир Дехари, како и пратеници од Левица и СДСМ.
„Треба јасно да дефинираме комуникација и политички преговори. Ние комуникација можеме да имаме со сите во Собранието, со Муса Џафери, Фатмир Дехари и со некој пратеник од Левица, СДСМ. На крајот, ние не водиме војна, туку водиме политички битки и концепти“ изјави Меџити.
Тој се осврна и на потврдата од Таравари дека преговара со господинот Ахмети, посочувајќи дека ВЛЕН е формиран како антипод на ДУИ, со цел да донесе промени во албанскиот кампус.
„Проблемот е што и самиот Таравари потврди дека преговара со господинот Ахмети. ВЛЕН е формиран како антипод на ДУИ; ВЛЕН е создаден за да донесе промени во албанскиот кампус, бидејќи имаше монопол од една политичка партија. Време беше да има конкуренција, идеи, програми и платформи, и врз овие темели е формиран ВЛЕН за да се спротистави на ДУИ, кои ги донесоа промените“ изјави Меџити.
Меџити упати повик до Таравари да избере страна, бидејќи тој смета дека не може да биде дел од ВЛЕН и да преговара со ДУИ и Ахмети, бидејќи тоа може да ја поткопа смислата на промената и поделбата на политичките концепти.
