Меџити го разреши д-р Јовев од Кардиохирургија: Нема директори кои седат по 5-10 години без резултати
Министерот за здравство Фатмир Меџити го разреши директорот на Клиниката за кардиохирургија, д-р Сашко Јовев, лекарот кој го предводеше тимот што ја изврши првата трансплантација на срце.
Оваа информација министерот ја потврди на промоцијата на новата онлајн услуга за електронска регистрација.
-Веќе нема директори кои седат и спијат по 5-10 години и немаат никаков резултат. Затоа здравството ни е во ваква амортизирана состојба. Секогаш кога ќе има нерегуларности во работењето и сè друго, јас вака ќе постапам. Ова е само почеток. Тоа е кадар на коалициониот партнер на СДСМ, тие ќе предложат друго име. Нема никој тука да биде вечно, бесмртен да биде. Ниту јас, ниту директорите. Кој нема да сработи, ќе биде отпуштен, кажа Меџити.
Директорското место на Кардиохирургија, неофицијално, ќе го преземе Ваљон Асани, интервентен кардиолог од Тетово.
