Маж во Нов Зеланд упаднал во кинески ресторан и со секира ги нападнал гостите (ВИДЕО)
Четири лица се повредени откако маж со секира и чекан ги нападна рестораните во неколку кинески ресторани во Оукланд, Нов Зеланд. На видео објавено на социјалните мрежи се гледа како луѓето бегаат од ресторан, откако напаѓачот наводно влегол во објектот вчера во 21 часот по локално време и почнал да ги напаѓа гостите.
Сведоците рекоа дека мажот имал и голем број други оружја, вклучително и „нешто што личи на чекан“. Полицијата соопшти дека на местото на настанот е уапсен кинески државјанин и обвинет за нанесување тешка телесна повреда, пишува Би-би-си .
Властите не го соопштуваат идентитетот на напаѓачот или неговата возраст. Полицијата вели дека нападот најверојатно не е расно мотивиран и во моментов се третира како изолиран инцидент. Таа додаде дека четири лица се повредени, а тројца од нив завршиле во болница и дека се стабилни.
Нападите се случија во рестораните Zhangliang Malatang, Yues Dumpling Kitchen и Maya Hotpot. Еден вработен рече дека инцидентот започнал неочекувано и дека човекот само „влегол внатре, извадил предмет налик на чекан и ги нападнал луѓето што седеле на масата“.
Готвач во еден од рестораните рекол дека сè изгледа „како воена зона“: „Таму имаше млада личност на околу 20-ти години, со крвава глава. Таа стоеше некое време, а потоа се струполи на подот“. Еден од сведоците изјави дека напаѓачот и пришол на другарката одзади и ја удрил со секира.
