Матурант качен на кров од возило му покажа среден прст на полицаец, МВР го викна на разговор!
На социјалните мрежи се појави видео од матурант кој покажува непочитување кон македонската полиција.
Имено, тој качен на возило игра и во еден момент му покажува среден прст на полициски службеник.
Видеото е во близина на хотелот „Александар Палас“ во Скопје, а полицаецот во моментот се обидува да воведе ред и да го симне момчето од возилото.
Од МВР го потврдуваат инцидентот и додаваат дека идентитетот на момчето веќе е утврден и истиот ќе биде повикан на разговор во станицата во Карпош.
„Во врска со прашањето за лицето кое недолично се однесува на јавно место, идентитетот на истиот е утврден и од страна на полициски службеници од ЕВР Карпош ќе биде повикан во Полициска станица Карпош и против него ќе се поднесат соодветни прекршочни пријави“, велат од МВР.
