Маскирани упаднале за време на молитва: Објавена страшна снимка од црквата во Истанбул, Ердоган вети: Ќе ги најдеме за 24 часа!
Турскиот претседател Реџеп Таип Ердоган изрази сочувство до католичката заедница во Истанбул во врска со нападот на црквата во кој загина едно лице и најави дека ќе бидат преземени неопходните чекори за апсење на убијците.
– За жал, ваквите убијци се појавуваат насекаде и ги тераат невините луѓе да ја платат цената. Ги мобилизиравме сите ресурси на полицијата. Верувам дека за кратко време сторителите ќе бидат фатени. Ќе ги најдеме во рок од 24 часа – рече претседателот на Турција.
Ердоган телефонски разговарал со локалните власти и со свештеникот на католичката црква каде се случил вооружениот напад.
Турскиот министер за внатрешни работи Али Јерликаја претходно изјави дека нападот на католичката црква Света Марија во истанбулскиот кварт Сариер се случил за време на верска служба и дека едно лице е убиено.
Тој изјави дека нападот го извршиле две маскирани лица кои наводно учествувале во службата.
Непосредно пред нападот, безбедносните камери пред црквата снимиле две маскирани лица како се движат покрај зградата, пишува „Хуриет“.
Полицијата истражува дали осомничените на сликите се поврзани со нападот.
Објавена е снимка од моментот на нападот
