Маск прашан за модринката: „Не сум бил никаде во близина на Франција“
Американскиот претседател Доналд Трамп и неговиот поранешен помошник Илон Маск се пошегуваа за сцената со Емануел и Бриџит Макрон додека излегуваа од авион во Азија, за време на заедничката прес-конференција по повод објавата на Маск дека ја напушта администрацијата.
Видео на кое се гледа како францускиот претседател Емануел Макрон пристигнува во Виетнам предизвика конфузија и шпекулации на интернет во понеделник. Кратко откако се отворија вратите на авионот, на видеото се гледа како раката на сопругата на Макрон, Бриџит, го удира претседателот по лицето. Само нејзината рака е видлива на видеото.
Кога новинар во Белата куќа го праша Трамп каков совет за брак може да даде, Доналд Трамп прво се насмевна, а потоа рече: „Мора да се осигурате дека вратата е цврсто затворена“, рече тој. Потоа додаде: „Разговарав со него и тој е добро, тие се добро“.
„Тие се многу добри луѓе, ги познавам многу добро. Не знам што се случило… Но, ги познавам многу добро и тие се добро“, продолжи Трамп.
Набргу потоа, Илон Маск, со модринка на десното око, исто така се пошегува за ситуацијата. „Не бев никаде близу Франција“, рече тој.
„Се дружев со малиот X (едно од неговите деца) и му реков да ме удри во лице. И тој го направи тоа.“
„Дали X го направи тоа? X можеше да го направи“, рече Трамп.
