Манчестер Сити и Реал завршија повеќе од половина работа – со победи се враќаат дома (ВИДЕО)

Манчестер Сити првпат во историјата славеше во Копенхаген и тоа со 3-1. На претходните два меча во данската престолнина, одиграни во 2009 во Лигата Европа и во 2022 во Лигата на шампионите, беше нерешено (2-2 и 0-0).

Вечерва во главна улога беше Кевин де Брујне кој постигна еден и асистираше за другите два гола на својот тим. Белгиецот го отвори резултатот во десеттата минута на асистенција на Фоден, а по израмнувањето на Матсон, на истекот од првото полувреме му асистираше на Бернардо Силва во судиското продолжение за ново водство и. Во судиското продолжение од вториот дел, повторно Де Брујне асистираше за Фоден за конечен резултат и убедлива победа на Манчестер Сити.

Реал го преживеа тешкиот старт на мечот против Лајпциг во кој прими гол, но тој беше поништен поради офсајд. Домаќините беа подобри во првото полувреме, ама не успеаја да ја затресат мрежата на Лунин на регуларен начин, па казната за тоа стигна во 49. минута кога Брахим Дијаз со прекрасен гол го донесе Реал во водство од 1-0 што подоцна се покажа како конечен резултат.

Македонскиот репрезентативец Елиф Елмас влезе во игра на 15 минути пред крајот, но го претрпе третиот пораз оваа сезона во дуелите со Реал од кои два во дресот на Наполи во групната фаза.

Реванш натпреварите се играат на 6 март во Манчестер, односно Мадрид, а утре на програмата се уште два дуела, меѓу Лацио и Баерн, односно ПСЖ и Сосиедад.