МАЛОЛЕТНИКОТ КОЈ УБИ ДЕВЕТМИНА, НЕ МОЖЕ ДА ОДГОВОРА НИТУ СПОРЕД НОВИОТ ЗАКОН НА ВУЧИЌ: Постојат две причини

Владата на Србија
вчера на прес-конференција ги усвои мерките што ги најави претседателот на
Србија, Александар Вучиќ. Меѓу мерките што ги најави Вучиќ, а кои се уште се
разгледуваат, е и онаа со која ќе се намали кривичната одговорност од 14 на 12
години. Но, за ученикот кој уби девет лица и рани шестмина во училиштето
„Владислав Рибникар“, тоа ништо нема да промени.

По страшното
злосторство во училиштето „Владислав Рибникар“, кога Коста Кецмановиќ, кој има
неполни 14 години, со истрели од огнено оружје уби девет лица, претседателот на
Србија најави усвојување на нови мерки насочени кон спречување на ваквите
злосторства.

Една од мерките
што ги предложи Вучиќ беше намалувањето на лимитот за кривична одговорност од
14 на 12 години. Оваа мерка не беше донесена, но остана на разгледување.

Но, и да има промена,
во случајот со ученикот, тоа нема да промени ништо, од две причини.

Пред се, на
сторителот на кривичното дело се суди според Кривичниот законик кој важел во
времето кога се случило кривичното дело. Во случајот со ученикот одговорен за
масовното пукање во училиштето во Врачар, тоа значи дека тој не подлежи на
кривична одговорност.

„На сторителот на
кривично дело што е предвидено со закон со определено времетраење, тој закон се
применува, без разлика кога му се суди, доколку со тој закон поинаку не е
определено“, стои во Кривичниот законик на Република Србија.

Исто така, има
уште еден став според кој според постоечкиот закон би му се судело на Коста Кецмановиќ.

„Доколку по
извршувањето на кривичното дело е изменет законот, еднаш или повеќе пати, се
применува законот кој е најблаг за сторителот“, се наведува во него.

ФОТО: ЕПА