Македонските граѓани плаќаат најскапа струја во регионот, да се избере Универзален снабдувач кој ќе понуди најниска маржа

Домаќинствата во Македонија плаќаат најскапа струја од земјите во регионот и покрај субвенциите кои се напишани на секоја испорачана сметка за електична енергија, пишува А1он.мк

Најновите податоци на европската статистичка служба (Евростат) за првата половина од 2023 година покажуваат дека македонските граѓани плаќааат поскап киловат час од граѓаните на Албанија, Црна Гора, Србија и Босна и Косово па така еден киловат-час енергија во Албанија чинел 10,1 евро за 100 киловат- часови, додека пак во Македонија е нешто поскап и изнесува 10,5 евра за 100 киловат-часови.

Податоците покажуваат и дека косовските семејства имаат најевтин енергенс во Европа, по цена од 0,067 евра за киловат-час, додека пак семејствата во Албанија и во Македонија плаќаат повеќе за енергијата што ја трошат во споредба со другите земји во регионот.

По Косово, следуваат Турција (0,084), Босна и Херцеговина (0,087), Србија (0,096) и Црна Гора (0,096).

Токму за да се ублажат високите трошоци за енергија, речиси сите земји размислуваат и дејствуваат за да обезбедат поевтини енергенти и за граѓаните и за стопанството.

Освен што како држава треба да се фокусираме и посветиме на домашно производство на електрична енергија, за што се потребни долгорочни нацинални стратегии, Владата може влијае врз намалување на цената на електричната енергија преку изборот на најповолна понуда за Универзален снабдувач за електрична енергија за наредните пет години.

Најповолна понуда значи избор на компанија која ќе понуди најниска и најпрофитна маржа од сегашната која изнесува 11, 5%.

Пониската маржа понудена од Универзалниот снабдувач на елекртична енергија за домаќинствата и малите потрошувачи ќе придонесе во иднина македонските домаќинства да плаќаат пониски сметки за електрична енергија. Една од компаниите која најави учество во јавниот повик за Универзален снабдувач, ЕДС , која е една од најсериозните учесници во тендерот, уште на почетокот најави далеку пониска маржа од сегашната.

Јавниот повик за Универзален снабдувач завршува на 12 јануари, а дали ќе плаќаме најскапа струја во регионот или не, зависи од тоа дали Владата ќе ја дискфалификува или ќе ја избере наповолната понуда на јавниот повик.

Извор: А1он.мк