МАКЕДОНЕЦ НА ВОЗРАСТ МЕЃУ 70/80 ГОДИНИ, ПРОНАЈДЕН ВО ГРЦИЈА: Мобилизирана групата „Грција инфо“, семејството во Македонија контактирано, случајот пријавен во полиција

Социјалните мрежи  и тоа како понекогаш можат да бидат од помош. Доказ за тоа се многубројните апели во кои се бара помош за пронаоѓање изгубени лица, најчесто мали деца по грчките плажи, во групата „Грција инфо“.

Овој пат, групата максимално беше искористена за да се пронајде семејството на постар човек на возраст од 70/80 години, за кој се дознало дека е од Македонија, но дека во Грција наводно бил пронајден сам.

По оваа објава, во некои од македонските групи почна да се споделува фотографијата од човекот со наводно име Кире Штурецот.

По само неколку часа, објавувачите известија дека освен што ја контакрирале полицијата, тие успешно го пронашле и семејството за изгубениот човек.