Маестро Теодосиќ ја предводеше Звезда до првата „гостинска“ победа во Евролига
Српскиот шампион славеше со 98-92 за вкупно шести триумф во елитното натпреварување, сите остварени во Белград. Убедливо најзаслужен за победата е ветеранот Милош Теодосиќ кој го одигра најдобриот натпревар откако дојде во Звезда.
За 29 минути, плејмејкерот постигна 27 поени и 14 асистенции за индекс 40, убедливо највисок од сите кои вечерва се појавија на паркетот. На спротивната страна му парираше Болдвин кој постигна 22 поена, но тој се повреди во последната четвртина и мораше да го напушти теренот. Звезда имаше и 19 поени предност во третата четвртина, но му дозволи на Макаби да се доближи на -6 во последната минута.
Оваа победа нема да придонесе за скок на табелата за Звезда која ќе остане на 15. позиција. Макаби го претрпе седмиот пораз сезонава, но не може многу да го влоши својот пласман.
