Лукаку се бламираше, нов очај на Интер – Фиорентина по осум години ја освои „Меаца“ (ВИДЕО)
Во ревијата утки најмногу се бламираше Ромалу Лукаку, кој успеа и празна мрежа да промаши од два метри, а таа утка четири минути подоцна ја казни Фиорентина, откако Џакомо Бонавентура погоди во мрежата на Интер по одбиената топка од Андре Онана и ударот на Кабрал во 53-та минута, па тој момент на крај реши сѐ за победникот.
Интер имаше еден куп шанси за најмалку да победи, Баерла погоди и дирек, но сѐ што создадоа домаќините, успеаа да го промашат, иако и Фиорентина имаше свои шанси кои не ги реализира, ама со една успеаа да дојдат до три бода и 40 бода на контото за да останат во трката за Европа.
Bonaventura ❤️?￢ﾚﾫ️ pic.twitter.com/LTUlZcyuvz
— Martino (@MartinoPuccio) April 1, 2023
За Фиорентина ова беше прва победа во Милано против Интер после 2015 година и 11 мешусебни дуели со „нераѕурите“
Интер со поразот, за нив јубилеен десети сезонава, остана на 50 бода, но сега Милан кој има 48 може да го престигне, а Рома која е на 47 на петтото место да се израмни. Аталанта која победи денеска во Кремона сега има 48 бода, а Јувентус со 41 и ако победи со евентуални 44 ќе остане во трката за ЛШ и ќе остане близу „нераѕурите“.
До крајот на сезоната има уште десет кола, а битката за ЛШ уште повеќе ќе зоврива до крајот.
