ЛЕТАА ЌЕРАМИДИ, БИЛБОРДИ, ПОКРИВИ: Повредени се 30 луѓе во Војводина

По невремето кое синоќа го зафати српскиот град Нови Сад, 30 луѓе завршија во Клинички центар. 

„Во текот на ноќта во Клиничкиот центар на Војводина се лекувале 30 пациенти“, изјави градоначалникот на Нови Сад, Милан Ѓуриќ.

Ѓуриќ рече дека итната помош веднаш ги расчистила сите приоди до Клиничкиот центар и другите здравствени установи во градот. 

Четириесет и петгодишна жена е повредена кога дрво паднало на киоск. Во Лаза Костица 112 во Ковиљ во 21:31 интервенирале поради удар на гром во куќата, при што е повреден 73-годишен човек. Тој е пренесен во хируршкото одделение на Ургентниот центар на Клиничкиот центар Војводина.

Се случила и една сообраќајна незгода, а во 19 часот и 45 минути на Трг 27 Марта извршен е преглед на три лица во сообраќајна незгода во која учествувале две возила. На лице место укажана е помош на 33-годишна жена која е пренесена на Одделот за хирургија.

Во новосадската населба Детелинара падна кран.

Во некои приградски населби уште нема струја и се работи на решавање на овој проблем. Поради невремето летаа ќерамиди, покриви, лимови, оштетено е училиштето во Нови Насеље, има урнати билборди и сообраќајни знаци.