Лесна победа на Олимпијакос против Чукарички – пред влез во групите во Лига Европа

На пирејските црвено-бели им требаше само едно полувреме за да му дадат три гола на Чукарички и да ја обезбедат победата, па Ел Каби даде два во третата и 40-та, а Фортунис еден во 16-та минута.

Српскиот тим во судиското надополнување даде почесен гол, но разликата во квалитет е очигледен, иако надежите дека можат на реваншот да се изборат за сензација не може да им се одземат, но претешка ќе биде таа задача против многу поскапиот и подобар грчки тим.

ЛАСК имаше 2-0 по првиот дел, но Немања Библија на 19 минути пред крајот даде гол за Зрињски за да го остави двомечот ептен неизвесен и во Мостар, босанскиот првак да брка пласман во пореномираното натпреварување, иако овој клуб веќе има сигурна групна фаза и со елиминација, ќе игра во Конференциската лига.

Сензацијата летово Ки Клаксвик од Фарските острови ремизираше 1-1 со молдавски Шериф, Слован Братислава обезбеди 2-1 против кипарски Арис пред гостувањето за седум дена, додека белгиски Сен Жил со два гола предност оди во Швајцарија после триумфот над Лугано.