Лавина реакции во јавноста по скандалозниот подкаст со Латас
Лавина реакции во јавноста по скандалозниот подкаст на Јутјуберот Стефан Лазаров со новинарот Драган Павловиќ Латас.
Хелсиншкиот комитет за човекови права го осуди интервјуто на Латас во кое тврди дека „силувал девојка во автомобил, откако претходно таа била претепана“, на што наиде на позитивна реакција од јутјуберот Стефан Лазаров како водител на емисијата во оваа ситуација.
„Неодамна објавеното интервју од јутјуберот Стефан Лазаров каде неговиот гостин Латас споделува дека тој и неколку другари на 15 годишна возраст злоставувале и силувале девојка е колективен, општествен пораз и реален приказ за тоа како ги третираме жените жртви на насилство. Во видеото, кое веќе има над 50 илјади прегледи, за двајцата соговорници силувањето е извор на забава и смеа, со што тие директно праќаат порака кон огромната публика не само дека тоа е нешто нормално, туку и смешно. Ова интервју е само еден јавен и болен показател за тоа како во пракса излгеда нормализирање на културата на насилство и до каде може може да доведе непостапувањето на институциите и немањето јасни ставови и политики кои ги заштитуваат жртвите, наместо насилниците“, реагираат од Хелсиншки комитет.
Од таму ја повикуваат јавноста да реагира со осуда на овој чин, кога веќе системот за поддршка очигледно не функционира.
„Таа култура, им дава ветер во грб на насилниците, кои не само што продолжуваат да живеат нормално, туку и да бидат славени како „вистински мажи” и победници. Истата таа култура ги осудува жртвите, праќајќи им јасна порака дека системите на поддршка се речиси непостоечки. На оваа култура мора да и се стави крај, јасно и гласно, ако јавната осуда е единствено оружје кое го имаме на располагање, соочени со систем кој очигледно не знае и не сака да се справи со родово базираното насилство“, се додава во реакцијата
Со реакција се јавија и Форумот на жени на СДСМ од каде изразија згрозеност и шокираност од интервјуто.
„Најостро го осудуваме однесувањето на новинарот Латас и јутуберот Лазаров кон жената во општеството. Јавното промовирање и поддржување на сексуалното насилство и сексуалната злоупотреба е целосно неприфатливо и мора да подлежи на сакционирање.
Ваквото понижувачко, омаловажувачко, деградирачко третирање на жената мора да биде осудено од сите општествени чинители, и да се испрати јасна порака дека насилството врз жените е неприфатливо. Ги повикуваме институции во рамките на своите на надлежности да превземат мерки за санкционирање.
Го повикуваме јавното обвинителство согласно нивните законски овластувања да покрене постапка за утврдување на евентуална кривична одговорност.
Ги повикуваме новинарските здруженија, Советот за етика во медиуми да го осудат ваквото однесување и да го санкционираат новинарот Латас.
Ги повикуваме спонзорите на youtube каналот на Стефан Лазаров веднаш да престанат со финансиски поддршка на каналот, во спротивно ќе сметаме дека ја поддржуваат културата на насилство врз жените.
Форумот на жени на СДСМ смета дека секој облик на насилство врз жените е флагрантно кршење на човековите права и затоа бараме веднаш затворање на youtube каналот. Воедно ги повикуваме сите граѓани и граѓанки да ни се придружат во оваа иницијатива и да побараат затворање на овој канал“, велат од таму.
Остри реакции има и на социјалните медиуми.
Ирена Цветковиќ, д-р од областа на родовите студии и член на Коалицијата „Маргини“ прашува кому му е смешно силувањето.
„Кому му е смешно силувањето? Во скорешното интервју на Латас кај некојси јутјубер Стефан Лазаров, гостинот лабаво раскажа како тој и негови другари на 15 години групно силувале девојка во автомобил Фичо која првин едниот од нив ја натепал. За емисијата со Латас , јутјуберот Лазаров ќе рече – искинавме!
Да, ја искинавте последната надеж дека ова општество е нормално, ја искинавте последната трошка верба дека јавната сфера е хумана и емпатична и мене лично (а верувам и на многумина) ми го искинавте срцето.
Додека Латас раскажува, Лазаров се кине од смеење, што особено го радува раскажувачот. Се смеат заедно, заоѓаат во злорадост, исполнети од сопствениот успех. Едниот мисли дека е мангуп зошто силувал, другиот мисли дека е мангуп зошто ја има можноста ексклузивно да го сподели овој подвиг на силувачот.
Ми се преврте утробата, што од гадење, лутина и бес, што од немоќ. За жал, силувањето се случило одамна и во моментов освен признание нема речиси никаква можност за кривичен прогон. Дополнително, јутјуб каналот на Стефан Лазаров не е препознаен како медиум во нашите закони, па не подлежи на санкции. Единствено што ни останува е јавната осуда. Ни приближно доволно, ама единствено исправно“, пишува Цветковиќ на Фејсбук.
Ај пред легнување …
Не верувам во приказната на Латас и не е ни битна…
Леснотијата со кој двајцата разговараат е згозувачка… Монструозно за едно такво, дури и хипотетичко дело, да се смееш и правиш шега од тоа кога што се случило…— Andrej (@andrejold) February 19, 2023
Клипчето е гадно но важно е да го гледате ако имате дете кое е често на јутјуб.
Латас е Латас но посебен поздрав до мрмутов Стефан Лазаров кој се кези ко удрен кога зборат за шамарање девојки. Тој има многу поголемо влијание кај младите. pic.twitter.com/yqBvXJooNw
— 42 (@forty_tw0) February 19, 2023
Латас призна силување во живо на подкаст кај Лазаров и двајцата се кезат ко ненормални. Гадно, ужасно гадно. Признавам сум гледала видеа на Лазаров, но после овој блам, толку…а за Латас немам толку лош збор што би го употребила да го опишам.
— Анабела ♒ (@AnabellaZz) February 19, 2023
После гадната исповед на Латас за групњакот на девојката шо и го направиле во младоста дојдов до неколку заклучоци.
1. Ја шамарале девојката. (Физичко насилство)
2. Имале вајда повеќето секс со неа принудено или не сепак (raping/силување)
3. Вели имал 15 години малолетен а— Германка™ 🇩🇪❤️🔥 (@sugaryouknowm_e) February 19, 2023
