Кузеска: ЕСМ да го повлече барањето, власта да се откаже од поскапување на парното
Портпаролката на СДСМ, Богданка Кузеска денеска на прес конференција порача ЕСМ да го повлече барањето за поскапување на парното во Скопје.
„СДСМ бара ЕСМ да го повлече барањето и власта да се откаже од намерата за поскапување на парното. Поскапување на парното би било уште еден удар врз стандардот на граѓаните. Од друга страна е лошо и во однос на загадувањето на воздухот. Власта треба да ја намали цената на парното за да ги стимулира граѓаните да се вратат и повеќе да се приклучат на парно. Тоа ќе биде мерка којашто ќе влијае на намалување на загадувањето но и на намалување на цената на парното со вклучување на повеќе корисници“, вели Кузеска.
