Курти: Која е смислата на јавните згради за државните функционери ако не се користат?
Нема да се откажеме, градоначалниците треба да одат на работа, вели косовскиот премиер Албин Курти.
Србите ги бојкотираа изборите и не ги признаваат за легитимни градоначалниците Албанци на северот. Курти денеска изјави дека нема да се откаже од градоначалниците на северот на Косово, избрани поради српскиот бојкот на изборите.
„Градоначалниците треба да одат на работа и да работат во нивните канцеларии“, изјави Курти за косовските медиуми.
Вели дека мора да функционираат нормално.
„Која е смислата на јавните згради за државните функционери ако не се користат“, додаде Курти.
Во судирите во понеделникот се повредени 30 припадници на КФОР и 52 Срби.
Поради немирите, НАТО најави испраќање дополнителни сили на Косово. На пат за Косово се 700 војници на НАТО, а доколку има потреба, ќе бидат испратени уште. Западот повика на деескалација. Приштина веќе трпи последици. Се споменува можно враќање на визите за Косово.
