КУПУВАМ ВО МАРКЕТИ, ПА СИ ПОДГОТВУВАМ ОБРОЦИ: Туристите се шокирани од цените во Будва

Tуристите од регионот се шокирани од цените во Црна Гора. 

„Сместувањето во Будва почнува од 60 евра за апартман на ден, па нагоре. Две лежалки и чадор се во просек 25 евра. Кафето е околу 3 евра, парче пица е исто така околу 3 евра. Семеен ручек е некаде околу 50 евра. Секако, цените зависат и се разликуваат од објект до објект, но општиот впечаток е дека е поскапо од минатата година. Она што ни го привлече вниманието е цената на чизкејк во ресторан во Будва, неверојатни 15 евра, а 100 грама печено јагнешко е 4 евра, а свинско 3“, изјави за РИНУ Бојана Јовановиќ од Ужице, пренесуваат српските медиуми. 

Сепак, таа додава дека за време на одморот јаде помалку во рестораните, а најчесто купува намирници во маркетите, а потоа подготвува оброци во станот.

„Цените во маркетите се исти како овде во Србија, некои се дури и поевтини. Значи, таа опција беше најприфатлива за нашето семејство за време на летниот одмор“, вели Бојана.

Кога одите од Будва до Бока Которска, цените само растат, особено во Котор, Тиват и луксузните комплекси. 

фото Рина