КРОМИД НЕ СМЕЕ ДА СЕ ПРОДАВА НАД 60 ДЕНАРИ: Владата донесе одлука – се замрзнуваат цените на овошјето и зеленчукот, еве кои се!
Денеска на владина седница е донесена одлука за замрзнување на цените на овошјето и зеленчукот.
Одлуката, со која се опфатени доматите, краставиците, кромидот, карфиолот, пиперот, гравот, леќата, бананите, портокалите, мандарините и лимонот, ќе важи од 5 април до крајот на месецов.
Се работи за 11 овошја и зеленчук, а истите имаат одредено највисока цена, па така свежите домати ќе чинат максимум 70 денари, краставиците 75, кромидот 60, карфиолот 70, пиперот 90, гравот 75, леќата 110, бананите 70, портокалите 55, мандарините 60 и лимонот 55 денари.
Во продолжение сите цени:
„Ги уверувам граѓаните дека согласно сите анализи, цените, посебно на прехранбените производи и енергенсите, целосно се стабилизирани и имаат надолен тренд, на намалување“, велат од Министерството
Сепак, додаваат, ќе се причекаат официајлните податоци од Државниот завод за статистика кои треба да се објават на 7 април.
Министерството ги повика трговците да ја почитуваат Одлуката.
Анализите покажале, напоменуваат , дека за овие производи имало големи маржи кои во март достигнале дури 200 – 250 отсто.
