Кошаркарите уште по првиот меч од квалификациите ќе знаат дали ќе играат на ЕП 2025!?
Жолто-црвените квалификацискиот циклус ќе го почнат против Естонија, екипата што нѐ растури синоќа на прелиминарниот турнир за пласман на ЛОИ 2024, но и која нѐ доби среде Скопје што на крајот се покажа како клучно да не играме на ланскиот европски собир на најдобрите. Оваа средба е закажана речиси во скоро ист термин како и претходната, во февруари овој пат четири години подоцна, која ќе ѝ гостуваме на Полска. Во ноември 2024 во три дена ќе одиграме два меча (дома и на гости) против Литванија, за конечниот пласман да го потврдиме во февруари 2025 година, кога ќе им гостуваме на Естонците, а ќе ја пречекаме Полска.
Полјаците во оваа група ќе играат рекреативно, со оглед што како еден од домаќините на ЕП 2025 (заедно со Кипар, Финска и Летонија) веќе имаат обезбедено пласман, поради што Македонија, Литванија и Естонија ќе се борат за преостанатите две визи.
РАСПОРЕД НА НАТПРЕВАРИТЕ
23 февруари 2024
Македонија – Естонија
26 февруари 2024
Полска – Македонија
21 ноември 2024
Македонија – Литванија
24 ноември 2024
Литванија – Македонија
21 февруари 2025
Естонија – Македонија
24 февруари 2025
Македонија – Полска