„КОРИСТЕТЕ ИЛИ ЗАБОРАВЕТЕ“: Google најави дека ќе ги брише неактивните налози

Ако долго време не сте најавени на вашиот акаунт на Google/Gmail, подобро што побргу употребете го, или ќе го изгубите. Google во вторникот објави дека ќе почне со бришење на сметките кои се неактивни најмалку две години, потег што компанијата вели дека има за цел да спречи безбедносни ризици.

Ажурираната политика стапува на сила веднаш, но компанијата вели дека нема да започне со бришење до декември. Google планира да испрати повеќе предупредувања до корисниците пред бришењето.

Првите сметки на „блокот за сечење“ ќе бидат оние што биле креирани, а потоа никогаш повеќе не ги посетил корисникот, соопшти Google. Политиката, исто така, ќе влијае само на личните сметки, оставајќи ги недопрени организациите како училиштата и бизнисите.

Google рече дека неговата одлука се заснова на внатрешни наоди дека постарите сметки се со поголема веројатност да се потпираат на рециклирани лозинки и со помала веројатност да ги користат најновите безбедносни мерки како проверка во два чекора, што ги прави многу поранливи на прашања како кражба на идентитет, хакирање и спам.

Одлуката за бришење на сметката оди чекор подалеку од претходната практика. Во 2020 година, Google објави дека на корисниците ќе им биде избришана содржината од услугите што престанале да ги користат, но самите сметки нема да бидат избришани.

За да ја зачувате вашата сметка, сè што треба да направите е да се најавите на вашата сметка на Google или на која било услуга на Google и можеби да ја прочитате вашата е-пошта, да гледате видео, да направите едно пребарување или било кои други активности.

(Си-Ен-Ен/Инвеститор)

Фото: ЕПА