КОМПАНИЈА ДАВА БОНУС ВО ВИСИНА НА ПЛАТАТА: Но, има еден чуден услов
Кинеска компанија која се занимава со производство на
хартија, решила да ги натера вработените буквално да трчаат – ако сакаат да
добијат бонус на крајот на годината. Претседателот на Гуангдонг Донгпо Папер,
Лин Жијонг, изјави дека
бонусите на работниците ќе зависат од бројот на километри што ќе ги трчаат
секој месец.
Вработените, како
што пренесува пренесува Business Insider, мора да поминат дури 51
километар секој месец, доколку сакаат годишен бонус во висина од 130 отсто од
месечната плата, а оние кои ќе поминат 49 километри во истиот период – можат да
добијат бонус еднаков на нивната месечна плата. .
Која е намерата на компанијата?
Намерата е вработените да бидат во добра форма и здравје, а
се чини дека соработниците ја „поздравија“ одлуката на компанијата. Според
локалните медиуми, персоналот на компанијата позитивно го поздравил овој потег,
а компанијата моментално има околу 100 вработени.
Најактивните меѓу нив ќе добијат бесплатен пар патики за
трчање, доколку половина година трчаат по 49 километри секој месец.
Оние кои ќе истрчаат „само“ 30 километри ќе добијат бонус во
вредност од 30% од месечната плата.
– Мојот бизнис може да опстане само ако моите вработени се
здрави – рече Лин, нагласувајќи дека двапати се искачил на Монт Еверест, еднаш
во 2022 година и еднаш во 2023 година.
ФОТО: EPA-EFE/ALEX PLAVEVSKI
