Koj e човекот кој алармирал дека во Лукавац ќе се случи „белградско сценарио“ ама никој не го послушал?
Ученикот од Лукавац, Босна и Херцеговина(БиХ) кој денеска пукаше и повреди наставник, на социјалните мрежи ја најавил својата одмазда.
Тој со недели најавувал дека ќе се одмазди. Јавноста во Босна и Херцеговина ја згрози информацијата за пукањето во Основното училиште „Лукoвац град“, кога ученик дојде со пиштол и го застрела професорот по англиски јазик, кој во тешка состојба е пренесен во Универзитетскиот клинички центар во Тузла. Професорот е опериран, но е во животна опасност.
Дино Османовиќ, политичар од Лукавац, по крвопролевањето ги објави преписките и предупредувањата што ги напишал токму поради заканите на ученикот.
„Ова е порака од 22 мај 2023 година, кога откако дознав дека ученик се заканува дека ќе се одмазди откако бил префрлен од училиште, побарав информации за да видам дали сме разумни или сме презеле нешто за да не ни се случи „Белград,“ но за жал не сме презеле ништо“, напиша Османовиќ.
Тој пишува дека наставникот кој заврши во болница е татко на две деца. Наставникот е Недим Османовиќ, кој, според Аваз, е син на поранешниот пратеник на СДА во Парламентот на БиХ, Исмет Османовиќ и внук на потпретседателот на СДА, Фадил Османовиќ.
Инаку, момчето нема кривично да одговара затоа што нема навршено 14 години.
Во Србија уште е топ тема масакрот кој се случи во училиште во Белград на 3 мај, каде 13 годишно дете уби 10 луѓе.
Последниве два месеци имаше повеќе инциденти во училиштата во регионот.
