Кои авиокомпании доставија барања за финансиска поддршка за воведување на нови авиолинии?
Од Министерството за транспорт и врски велат дека Визер
и Луфтханза доставија барања за финансиска поддршка за воведување на нови
авиолинии.
Во просториите на Министерството за транспорт и врски денеска се отворија барањата
за финансиска поддршка за воведување на нови авиолинии од двата аеродроми,
Меѓународниот аеродром Скопје и аеродромот Св. Апостол Павле во Охрид.
„На
јавниот повик кој што траеше од 1 март 2023 година до 31 март 2023 година
документација доставија две авиокомпании и тоа Визер и Луфтханза. Комисијата
составена од членови од неколку државни институции во следниот период ќе изврши
евалуација на доставените понуди, согласно утврдените крутериуми во јавниот
повик. Јавниот
повик за субвенционирање на нови авиолинии беше распишан во согласност со
политиките на фер и конкурентски услови согласно регулативата на Европска унија“, се вели во соопштението.
Финансиската
поддршка има за цел поттикнување и развој на воздушниот сообраќај во Република
Северна Македонија, заради квалитетен развој на цивилното воздухопловство,
формирање на поконкурентни и подостапни цени на билетите што директно
подразбира нови дестинации за граѓаните на Северна Македонија.
