КОБНИ 7 МИНУТИ: Данка е убиена веднаш откако мајка и го пријавила исчезнувањето!
Ивана Илиќ, мајката на малата Данка (2) на 26 март во 13 часот и 45 минути пријавила исчезнување на својата ќерка, а трагедијата се случила по само седум минути.
Истрагата на криминалистичката полиција на ПУ Бор укажува дека се се случило на 26 март околу 13 часот и 52 минути, односно само седум минути откако, според пријавата на мајката, исчезнала Данка Илиќ.
Како што потврдија за АТВ, криминалистичката полиција од Бор ги привела работниците на Јавното комунално претпријатие „Водовод“ Бор С.Ј.(50) од село Лука и Д.Д.(50) од село Злот.
– С.Ј. е осомничен дека на улицата „Радомир Путника“ со службеното возило „фиат панда“ удрил во пешак, двегодишна Данка, и ја усмртил. Заедно со колегата Д.Д. телото на девојчето го ставиле во багажникот на возилото, по што се упатиле кон дива депонија на „Старобањски пут“ кај Бор, каде телото го фрлиле на десната страна од патот – вели извор близок до истрагата.
– С.Ј. е обвинет дека не ја приспособил брзината на возилото на состојбата и условите на патот, поради што со предниот десен дел од возилото ја удрил девојката и ја усмртил – вели извор од истрагата.
