Кој е херојот кој го спаси детето во Црна Гора?
Во Црна Гора денеска баба се фрли во реката Морача со своето внуче, при што работници и еден пратеник кој бил во близина го спасија детето.
Аднан Дибрани, шведски пратеник е херојот кој го спаси детето откако работници го извадија од реката. Тој беше дел од набљудувачката мисија на Парламентарното собрание на Советот на Европа што го следеше денот на изборите во Црна Гора. Храбрите работници на Зеленила, Алдин Ибрахимовиќ, Алмир Мујак и Демај Шпејтим го извлекоа детето од Морача, а пратеникот го вратил во живот, детето кое било онесвестено. Аднан ја исцеди водата од белите дробови на бебето. Во интервју за Побједа вели дека не верувал дека ќе успее.
„Го минував мостот и погледнав кон водата кога видов дека во реката пливаат жена и дете. Некои други момци дојдоа, слегоа до реката и го извлекоа бебето од водата, додека други повикаа брза помош. Истрчав кон нив и видов дека го држат бебето кое не дава знаци на живот. Бидејќи имам мало дете дома, знаев што да правам во вакви ситуации“, изјави Аднан за Побједа.
Се плашел дека е доцна, но не се откажал.
„Го стиснав бебето преку стомакот и грбот, ја исцедив водата од неговите бели дробови. Кога го слушнав неговиот плач, бидејќи подоцна дознав дека е машко, се упатив кон итната медицинска помош и им го предадов бебето“, изјави Аднан.
