Која земја му врти грб на доларот?

Азија, предводена од Кина, сè повеќе се одвраќа од доларот. Неговата вредност се намали за десет проценти оваа година во споредба со кошничката на валути, па доларот видливо ја губи својата моќ, а постојат и шпекулации дали ова значи почеток на падот на американската империја, објавува Seebiz. 

Ако ги погледнеме само поединечните валути, доларот, со удел од 58 проценти, е сè уште доминантна светска резервна валута број еден, бидејќи еврото, на второ место со удел од 20 проценти, далеку заостанува. И сепак – уделот на доларот беше 65 проценти пред десет години, а повеќе од 70 проценти на почетокот на овој век.

Долгорочниот пад на вредноста на американскиот долар најдобро се илустрира со фактот дека доларот изгуби повеќе од 86,5 oтсто од својата вредност од 1971 година, поради што токму сега многу земји што ја поддржуваат дедоларизацијата се жалат дека добиваат долари за нивната нафта што сè повеќе се претвораат во „безвредна хартија“.

Од друга страна, во 70-тите години, златото стана предмет на размена на пазарот на скапоцени метали и неговата цена постојано се зголемува од тогаш. Ако гледаме кумулативно, таа е дури 4.900 отсто повисоко отколку пред 50 години.

foto Shutterstock/food.kiro