КОЈА Е СКОПСКАТА КОМПАНИЈА ШТО ИМА ЗАГУБИ ОД 190 ИЛЈАДИ ЕВРА – еве каков е планот за покривање
На РЖ услуги, скопска компанија, по се изгледа дека не им оди добро во последниов период.
Компанијата минатата година ја завршила со загуба од близу 182 илјади евра. А, има и загуби кои и се пренесени од претходни години, и тие се на сума од 8.834 евра. Значи, вкупната „минусна“ дупка е над 190 илјади евра.
Сите овие загуби компанијата донела одлука дека ќе ги покрива од задолжителната општа резерва на друштвото.
За тоа ја информираше инвеститорската јавност преку Македонската берза за долгорочни хартии од вредност.
Инаку, РЖ Услуги АД Скопје се занимава со собирање, прочистување, призводство и дистрибуција на вода за пиење и индустриска вода. Покрај тоа, компанијата извршува и други дејности како што се телефонски и интернет услуги, услуги за обезбедување и противпожарна заштита, сервисирање на противпожарни апарати, производство и дистрибуција на гас, техничко испитување и анализа, транспортни услуги, градежни услуги и др. Главното седиште на компанијата се наоѓа во Скопје.
Н.Н.Ф.
